Plasmon

იხილეთ აფთიაქების ჩამონათვალი

დოქსი-ჰემი® / Doxi-Hem®

შემადგენლობა

ერთი კაფსულა შეიცავს აქტიურ ნივთიერებას:
კალციუმის დობეზილატი (კალციუმის დობეზილატის მონოჰიდრატის სახით 521, 51 მგ) – 500,0 მგ;
დამხმარე ნივთიერებები:
სიმინდის სახამებელი, მაგნიუმის სტეარატი; კაფსულის გარსი: ტიტანის დიოქსიდი E 171, საღებავი ნივთიერება რკინის ყვითელი ოქსიდი E 172, საღებავი ნივთიერება რკინის შავი ოქსიდი E 172, საღებავი ინდიგოკარმინი (ინდიგოტინი 1) E 132, ჟელატინი.
აღწერილობა
ჟელატინის მყარი კაფსულა #1, კაფსულის კორპუსი არის გაუმჭვირვალე ყვითელი, სახურავი მუქი-მწვანე ფერი.
კაფსულის შემადგენლობა: თეთრიდან მოყვითალო-თეთრი ფერის ფხვნილი. დასაშვებია კონგლომერატების არსებობა, რომლებიც გარდაიქმნებიან მშრალ ფხვნილად შუშის ჩხირის მსუბუქი ზეწოლისას.

ფარმაკოლოგიური თვისებები
ანგიოპროტექტორი, ამცირებს სიხლძარღვების მომატებულ განვლადობას, ზრდის კაპილარების კედლის რეზისტენტობას, აუმჯობესებს მიკროცირკულაციას და ლიმფური სისხლძარღვების დრენაჟულ ფუნქციას, ზომიერად ამცირებს თრომბოციტების აგრეგაციას და სისხლის სიბლანტეს, ზრდის ერითროციტების მემბრანის ელასტიურობას. Mმოქმედება გარკვეულწილად დაკავშირებულია პლაზმაში კინინების აქტივობასთან.
პრეპარატი ნელა შეიწოვება კუჭ-ნაწლავის ტრაქტში. მაქსიმალური კონცენტრაცია სისხლში შიგნით მიღების შემდეგ ვლინდება 5-6 საათის შემდეგ. პლაზმის ცილებთან კავშირი შეადგენს 20-25%-ს, ნახევარგამოყოფის პერიოდი – 5 საათს. პრაქტიკულად ვერ აღწევს ჰემატოენცეფალურ ბარიერში. უპირატესად გამოიყოფა თირკმელებით 24 საათის განმავლობაში და ნაწლავებით.

ჩვენებები
სისხლძარღვოვანი დაზიანება კაპილარების მომატებული “მტვრევადობით” და განვლადობით(დიაბეტური რეტინოპათია და ნეფროპათია) და სხვა მიკროანგიოპათიები, რომლებიც დაკავშირებულია გულ-სისხლძრღვთა და ნივთიერებათა ცვლის სხვადასხვა დაავადებებთან. 
სხვადასხვა ხარისხის გამოხატულების ვენური უკმარისობა და მისი შედეგები (ვარიკოზის წინა მდგომარეობა ქსოვილების შეშუპების გამოვლენით, ტკივილებით, პარესთეზიებით, სტატიკური დერმატოზებით; ზედაპირული ფლებიტები, ვენების ვარიკოზული გაგანიერება, ტროფიკული წყლულები).

მიღების წესები და დოზები
შიგნით მისაღებად, დაქუცმაცების გარეშე, ჭამის დროს.
ინიშნება 500 მგ 3-ჯერ დღეში 2-3 კვირის განმავლობაში, შემდეგ დოზას ამცირებენ 500 მგ-მდე დღეში 1 მიღებაზე. რეტინოპათიის და მიკროანგიოპათიის მკურნალობისას ინიშნება 500 მგ 3-ჯერ დღეში 4-6 თვის განმავლობაში, შემდეგ სადღეღამისო დოზას ამცირებენ 500 მგ-მდე დღეში ერთ მიღებაზე.

გვერდითი მოვლენები
დარღვევები კუჭ-ნაწლავის ტრაქტის მხრივ (ღებინება, გულისრევა, დიარეა, გასტრალგია), ალერგიული დერმატოზი, “ღვიძლის” ტრანსამინაზების მომატებული აქტივობა, ცხელებითი რეაქციები, თავის ტკივილი, თავბრუსხვევა.

უკუჩვენება
მომატებული მგრძნობელობა პრეპარატის მიმართ, კუჭის და თორმეტგოჯა ნაწლავის წყლულოვანი დაავადება (გამწვავების ფაზაში). სისხლდენა კუჭ-ნაწლავის ტარქტიდან, ღვიძლის და თირკმელების დაავადება, ანტიკოაგულანტებით გამოწვეული ჰემორაგიები; ორსულობა (I ტრიმესტრი), ბავშვთა ასაკი (13 წლამდე).

განსაკუთრებული მითითებები
პრეპარატის დანიშვნა შეიძლება პროფილაქტიური მიზნით.
შეიძლება დოზის შემცირება თირკმლის მწვავე უკმარისობის დროს, რომელიც საჭიროებს დიალიზს.

ჭარბი დოზირება
დოზის გადაჭარბების შემთხვევები არ არის აღწერილი.

სხვა წამლებთან ურთიერთქმედება
აძლიერებს არაპირდაპირი ანტიკოაგულანტების, ჰეპარინის, გლუკოორტიკოსტეროიდების, სულფონილშარდოვანას ნაწარმების ჰიპოკალიემიურ მოქმედებას. ზრდის ტიკლოპიდინის ანტიაგრეგანტულ აქტივობას. არ არის რეკომენდირებული მისი შეთავსება ლითიუმის მარილებთან და მეთოტრექსატებთან.

შენახვის პირობები და ვადები
სია ბ
ინახება 15-25oC, მშრალ ადგილას.
ინახება ბავშვებისთვის მიუწვდომელ ადგილას.
შენახვის ვადა.
5 წელი. არ შეიძლება პრეპარატის გამოყენება შეფუთვაზე მითითებული შენახვის ვადის ამოწურვის შემდეგ.

აფთიაქში გაცემის წესი
რეცეპტით.

რეგისტრაციის # და თარიღი
R 0004572 10.08.2004

სად შევიძინოთ?